Sufi Silsilaa kab Wajood mae aaya

“Sayyeduna Siddiq-e-Akbar RadiAllahu Ta’ala Anhu Aaqa SallAllahu Alaihi wa Aalihi wa Sallam ki Ziyarat keliye hazir hue. Ju he andar dakhil hue to dekha ke Sayyeda Aaisha Siddiqa aur 2 (na baalig) Ansari ladkiya (jo peshewar gaane waali nahi thin) daff bajakar Ansar ke bahaduri ke kalaam padh rahi thin. Unki taraf mutawajjah hogaye aur dusri simt nahi dekha jaha Aaqa SallAllahu Alaihi wa Aalihi wa Sallam bhi Bistar par Tashreef farma they. Udhar dhyan nahi gaya, ju he dakhil hue to dekha ke wo daff baja rahi hain aur nagma gaa rahi hain, taarikhi, sakafati, paakiza kalimat. Ummul Momineen Hazrat Aaisha Siddiqa Salamullahi Alaiha bhi baithi hain. Sayyeduna Siddiq-e-Akbar ne dekhte he Unko kaha: RasoolAllah ke Ghar me shaitani mizmaar baja rahi ho?

Sakhti se jo daanta to wo ghabra ke chup kargayin aur Hazrat Aaisha Siddiqa RadiAllahu Ta’ala Anha bhi khamosh hogayin ke Walid-e-Girami hain.

Ye baat jab keh chuke to us waqt tak Unhone Aaqa SallAllahu Alaihi wa Aalihi wa Sallam ki taraf nahi dhyan kiya tha ke Bistar pe Kaun leta hai. Aaqa SallAllahu Alaihi wa Aalihi wa Sallam Chadar odhe, jaagkar khamoshi se lete hue they aur jaag rahe they. Jab Unhone Sayyeduna Siddiq-e-Akbar RadiAllahu Anhu ke sakht aur tambeeh bhare kalimat sune to Aaqa SallAllahu Alaihi wa Aalihi wa Sallam Mutawwajah hue aur farmaya:

“Ya Aba Bakr! Lee kulli qaumin Eid wa haza youmu Eidina!”

“Har qaum ki ek Eid hoti hai aaj Hamara bhi Eid ka Din hai!”

Sayyeduna Siddiq-e-Akbar RadiAllahu Ta’ala Anhu khamosh hogaye bus Hadees-e-Pak ka mazmoon yahape khatam hogaya. Riwayat hai Sahih Bukhari aur Muslim ki Muttafaq Alaih Jiska Mazmoon yahapar khatam hogaya. Isme se 3 nikaat Fawayadul Hadees me se unko ek do do jumle me bayan karta hun jo isme se akhz kiya.

Sayyeduna Siddiq-e-Akbar RadiAllahu Ta’ala Anhu ne aake jo sakhti se mana kiya, to is Amal-e-Abu Bakr Siddiq se Tariqa Naqshbandiya wujood me aaya! Unke Amal se Naqshbandi Tariqat wujood me aayi.

Aaqa SallAllahu Alaihi wa Aalihi wa Sallam jo khamosh mana kiye bagair khamosh Tashreef farma they aur kuch nahi farmaya tha khamosh Lete they, Unki Khamoshi ki Sunnat se Tariqa Qadriya wujood me aaya!

Aur jab Sayyeduna Siddiq e Akbar ne sakhti se mana kiya aur Aaqa SallAllahu Alaihi wa Aalihi wa Sallam ne farmaya “Lee kulli qaumin eidun fa haza youmu Eidina”, jab Tauseeq farmadi to isse Tariqa Chistiya wujood me aaya!

Ye Fawayadul Hadees hain is Bukhari Shareef ki Hadees ke!”

SallAllahu Alaihi wa Ala Aalihi wa Sahbihi wa Baarik wa Sallim

Sahih Bukhari, 1/324, #909

Sahih Muslim, 2/607, #892

Allahumma Salle Ala Sayyedina wa Maulana Muhammadiw wa Ala Aalihi wa Sahbihi wa Baarik wa Sallim

Leave a Reply