Hazrat ! Yeh baccha kon tha ?

Ek martaba Imam ul Hind Hazrat Shaykh Abdul Haqq Muhaddis Dehlwi QuddisaSirruhu (d. 1052 AH/ 1642 CE) ki khidmat mein Ek bohut barday Alim e Deen mulaqat ke liye tashreef laey, toh Hazrat ne unse musafah (hand shake) kiya aur barabar (besides) bithaya.

Guftugu shuru hui, isi asna mein, aik nau-umar (young age) bacha (kid) aya jo bosidah (old ragged) kaprday zaebtan (worn) kiye huey tha. Usko dekh kar Hazrat Shaykh Abdul Haqq Muhaddis Dehlwi Saheb ehteraman (in respect) kharday hogaey aur jabtak woh bacha chala na gaya Aap kharday (standing) rahey.

Hazrat ka is tarah ehteram mein kharday hona Maulana ko kuch nagawaar sa guzra. Pucha: “Hazrat! Ye bacha kaun tha?” Aap ne Farmaya, “Aal e Rasool hai (yani, Syed hai),” SallallaahuAlaihiWaAalihiWaSallam.

Maulana ne pucha ke,”Hazrat Ek Alim e Deen Afzal/Superior hai ya Ek Aal e Rasool hai? SallallaahuAlaihiWaAalihiWaSallam

Hazrat Muhaddis ne barda mudallall (full-proof) jawab diya, farmaya, “Maulana! “Main Aap se aik sawal poochta hoon ke, Aap ne abtak kitney Alim banaey?” Maulana ne farmaya: “Taqreeban sattar (70) Ulama merey shagird hokar farigh (graduate) huey hain, yani sattar (70) Ulama main ne banaey hain.”

To Hazrat ne pucha, “Syed kitney banaey?” Ye sawal sunkar Maulana khamoosh hogaey, to Hazrat ne farmaya, “Maulana! Aap isi se andazah karlein ke, ‘Alim to banaya ja sakta hai, aur Syed sirf wohi ban sakta hai jisey Allah Ta’ala banaey.'”

Maulana ne phir aik sawal pucha ke, “Agar koi Syed bey Amal ho jaey to kiya uska ehteraam Wajib hai?”

Hazrat ne Maulana se sawal kiya ke, “Quran e Majeed mein kitni Ayaat aisi hain jin par Amal nahin kiya jata, ya Ayaat matrukah (discarded) hain?”

Maulana ne kaha: “Kaiy Ayaat mansookh (abrogated) hain,” Hazrat ne phir sawal kiya ke “kiya in Ayaat ko Kalam e Paak se khaarij (remove) kardiya hai?” Maulana ne kaha, “Nahin balke Quran e Majeed mein shamil hain kiyun ke Allah Ta’ala ka kalam hai, aur un Ayaat ka ehteraam bhi Farz hai, hum sab unko choomte hain, aankhon se lagatey hain.”

Hazrat Muhaddis Saheb ne farmaya: “Ayse hi bey-Amal Sadaat ko bhi Aal e Rasool SallallaahuAlaihiWaAalihiWaSallam samajh kar ehteraam karo, Baqi raha unka Amal, to woh unka apna muamlah hai.”

(Book Reference : Sirat ut Taalibeen)

Leave a Reply